Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Urgoiti pasealekua, 55, 2.a · 48480 Arrigorriaga
Tel.: 94 400 20 60
Web gunea: www.arrigorriagakoeuskaltegia.eus

Martxoaren 29an larunbat pasa izango dute Arrigorriagako Udal Euskaltegikoek. Ikasturteko txango honek Gipuzkoa aldera eroango du taldea aurten. Lehenengo, goizean, Zestoako  Ekain haitzuloaren errepikara arrimatuko dira eta arratsaldean, Urrestillan gosea arindu ondoren, Azpeitiako Trenaren Euskal Museoari egingo diote bisita.

Batetik, bada, Ekain kobazuloetako Ekainberri errepika horrek, Goi Paleolitoko artista haiek sentitu ziren bezala sentitzeko eta barrunbearen txoko eta sekretu guztiak aurkitzeko aukera emango die, hango gidariak margoak interpretatzeko gakoak eskaini eta labar-artearen jatorriei buruzko teoriak azaltzen dizkien bitartean.

Bestetik, Azpeitiako Trenaren Euskal Museoak Europako tren-bildumarik onenetakoa du, lurrun-lokomotorak, tranbiak, trolebusak, auto-motorrak eta era guztietako bagoiak daudela. Trenbidearen historian murgilduko diren honetan, geltokiko transformazio elektrikoko zentral zaharreko instalazio harrigarriak, orain dela 100 urte zegoen teknologia modernoenaren isla direnak, trenbidean erabilitako uniformeen erakusketa eta munduko trenbideko erlojuen bilduma onenetakoa ikusiko dute.

Txangoak, bada, aukera emango die euskara gelan barik, benetako komunikazio egoeretan erabiltzeko, ikasle-irakasleen arteko harremanak sendotzeko, baita Euskal Herriko beste txoko batzuk ezagutzeko ere … eta hori guztia ohiko giro ezin hobean.

Egun-pasa entretenigarria gura duzuela? Gonbidatuta zaudete! Zatozte Euskaltegira eta izena ematea baino ez duzue. 

Aurten Arrigorriagako Udal Euskaltegiak euskarari, eta batez ere  erabilerari,  dagokion lekua egin nahi dio eta abenduaren 3an, aurreko urteetan bezala, Euskararen Nazioarteko Eguna ospatzeko hainbat ekitaldi prestatu dugu.

 

Hasteko, Berbagunea izeneko ekitaldia izango dugu goizeko zein arratsaldeko txandetan. Bost bat lagun elkartuko dira mahai baten inguruan antolatzaileek proposaturiko gaiei buruz berbetan aritzeko, eta 15 minuturik behin mahaia aldatu eta beste partaide batzuekin elkartuko dira. Halan, herriko jende euskaldunaren edo euskara ikasten ari direnen berri izateko aukera edukiko dute.

 

 

 

Horrez gain, euskaltegiko harreran, Euskal Herriko mapa huts bat dago eta ikasleek osatuko dute euren iritziz euskarak duen hitzik politena jarriz.

 

 

Amaitzeko, parte-hartzaile guztiok amaiera emango diogu ekitaldiari,  elkarrekin abesti bat kantatuz.

 

Parte hartu nahi baduzu, animatu eta hurbil zaitez euskaltegira.

 

Goizeko ekitaldia: 11:00etan

Arratsaldekoa: 18:00etan

 

ENE, Euskararen Nazioarteko Eguna (2013-12-03)

 

Aurten Arrigorriagako Udal Euskaltegiak euskarari, eta batez ere  erabilerari,  dagokion lekua egin nahi dio eta abenduaren 3an, aurreko urteetan bezala, Euskararen Nazioarteko Eguna ospatzeko hainbat ekitaldi prestatu dugu.

 

Hasteko, Berbagunea izeneko ekitaldia izango dugu goizeko zein arratsaldeko txandetan. Bost bat lagun elkartuko dira mahai baten inguruan antolatzaileek proposaturiko gaiei buruz berbetan aritzeko, eta 15 minuturik behin mahaia aldatu eta beste partaide batzuekin elkartuko dira. Halan, herriko jende euskaldunaren edo euskara ikasten ari direnen berri izateko aukera edukiko dute.

 

 

 

Horrez gain, euskaltegiko harreran, Euskal Herriko mapa huts bat dago eta ikasleek osatuko dute euren iritziz euskarak duen hitzik politena jarriz.

 

 

Amaitzeko, parte-hartzaile guztiok amaiera emango diogu ekitaldiari,  elkarrekin abesti bat kantatuz.

 

Parte hartu nahi baduzu, animatu eta hurbil zaitez euskaltegira.

 

Goizeko ekitaldia: 11:00etan

Arratsaldekoa: 18:00etan