Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Barrenkalea, 33. (Irizar jauregia) · 20570 Bergara
Tel./Fax: 943 76 44 53

Ikasleendako diru-laguntzak


TARIFA SOZIALA. Tarifa soziala izango dute Oinarrizko Errenta/Etxebizitza gastuetarako diru-sarrera osagarria edo Gizarte Larrialdietarako Laguntzen onuradun diren pertsonek. Horretarako, nahikoa izango dute Euskaltegian agiria
aurkeztea. Aipatutako gizarte-laguntzarik ez dutenek tarifa soziala eskatu nahi izanez gero, Udaleko Gizarte Ongizate Zerbitzura jo beharko dute, eta beharrezkoak diren izapideei ekin. Tarifa soziala jasotzeko eskubidea dutenek
matrikularen % 40 ordainduko dute. Kurtso-amaieran, %85eko asistentzia betez gero, ordaindutako kopuru osoa itzuliko zaie.


BEKA. Beka-eskaria egiteko, etxeko bizikide-kopurua kontuan hartuta, gehienez honako diru-sarrera garbia (likidazio-oinarria) onartuko da:
Bizikide-kopurua Diru-sarrera garbia Bizikide-kopurua Diru-sarrera garbia
1                     10.668,00 €        4                     27.069,00 €
2                     17.377,00 €        5                     30.717,00 €
3                     22.820,00 €        6                     34.241,00 €

Baremo horren barruan egonez gero, honako agiriak aurkeztu beharko dira 2014.10.31rako:

1. Matrikularen ordainagiria.
2. 2013ko errenta-deklarazioaren kopia edo egin ez izanaren zergatia adierazten duen ziurtagiria.
3. Bizikidetza-agiria.

Beka-eskaria egin, eta kurtso-amaieran %85eko asistentzia betez gero, ordaindutako kopuru osoa itzuliko da.


· FAMILIA BEREKO KIDEAK. Elkarrekin bizi diren familia bereko bi lagunek izena emanez gero, 1’5 matrikula ordainduko dute; hiruk emanez gero, berriz, 2 matrikula. Horretarako, Idazkaritzara jo beharko dute ordaindu beharreko kopurua zehazteko. Bestalde, 2014.10.31 baino lehen ekarri beharko dituzte ordainagiriak eta bizikidetza-agiria.


· ERRETIRATUAK eta FAMILIA UGARIAK. Matrikularen ordainagiriarekin batera, honako agiriak aurkeztu beharko dituzte urriaren 31rako: familia ugarietako kideek, familia ugarien txartela; eta erretiratuek, pentsionistatxartela.
Kurtso-amaieran %85eko asistentzia betez gero, ordaindutako kopuruaren % 60 itzuliko zaie


· LANGABETUAK: Ikasturte hasieran, % 50eko beherapena dute matrikulan, eta, amaieran, asistentziaren araberako diru-itzulketa (begiratu langabetuen diruitzulketen azalpen zehatza).
· Gainerako ikasleei, ikasturte-amaieran, ordaindutakoaren %25 itzuliko zaie, %85eko asistentzia betez gero.
Diru-laguntza hauek jasotzeko, nahitaez Bergaran erroldatuta egon beharra dago.
Diru-laguntzak jasotzeko, %85eko asistentzia bete beharko da. Justifikatu nahiz justifikatu gabeko hutsegiteak gainerako %15ean sartuko dira. Itzuli beharreko kopurua aurrekontuetan esleitutakoa baino altuagoa izanez gero, banaketa proportzionala egingo da.